د عامه کتابتونو غني کول د ټولنې اړتيا او زموږ له لومړيتوبونو څخه دي

یادې څرګندونې نن دوشنبه (١٤٤٥/١/٢۸ هـ ش) د اطلاعاتو او کلتور وزارت سرپرست وزیر محترم ملا خيرالله خیرخواه د عامه کتابتون څخه د ليدنې پر مهال وکړې، چې د هنر او کلتور معين ښاغلي عتیق الله عزيزي او د عامه کتابتون رئيس ښاغلي عبيدالله یې ملتیا کوله.
په پیل کې د عامه کتابتون رئيس خپلې لاسته راوړنې، نوښتونه، شته ستونزې او وړاندېزونه له محترم وزیر صاحب سره شریک کړل او د همکارۍ غوښتنه يې وکړه.
ورپسې محترم وزير صاحب وويل: د عامه کتابتونو غني کول د ټولنې د افرادو اړتيا او د اطلاعاتو او کلتور وزارت له لومړيتوبونو څخه دي، امکاناتو ته په کتو نور هم هڅه کوو، چې د کتابتونونو په بيا رغونه او د کتابتونونو د شمېر په زياتوالي کې ډیروالی راولو، تر څو خلک وکولای شي چې په اساني سره عامه کتابتونونو ته لاس رسی پیدا کړي او په پراخه کچه يې له ګټو برخمن شي، محترم وزير صاحب د کتابتونونو اړوندو د هر راز همکارۍ ډاډ ورکړ.