د کتابونو ارزونې کمېسیون نوبتي غونډه ترسره شوه
نن دوشنبه (۱۴۴٥/١/۱۴ هـ ق) د اطلاعاتو او کلتور وزارت د نشراتي معين مهاجر فراهي په مشرۍ د کتابونو د ارزونې کمېسیون غونډه ترسره شوه، چې پکې د اطلاعاتو او کلتور وزارت، د دولتي ورځپاڼو، پر رسنيو د څار، د بشري سرچينو، د دعوت او ارشاد رئیسانو، د معارف وزارت، د علومو اکاډمۍ، د حج اوقافو، د امر بالمعروف، د افغانستان د ناشرانو ټولنې استازو او د کمېسيون نورو غړو ګډون کړی وو.
غونډه د قرآن کريم په مبارکو آياتونو سره پیل شوه، ورپسې د نشراتو معین مهاجر فراهي د یاد کمېسيون کړنې مثبت وارزولې او د کمېسيون فعاليتونه يې وستايل.
په غونډه کې د هغه کتابونو پر سر خبرې وشوې او ارزیابي یې تر سره شوه، کوم چې د ناشرانو څخه را ټول شوي وو.
