رسنۍ او خبریالان مکلف دي چې د ټولنې د سمون او پرمختګ په موخه خپرونې وکړي
پورتنۍ څرګندونې د لوګر ولایت د اطلاعاتو او کلتور رئیس رفیع الله صمیم په داسې حال کې وکړې چې د ملي راډیوتلویزیون آمرضیاءالرحمن ځلاند، د افغانستان د ژورنالېستانو د ملي اتحادیې او د افغان خبریالانو د خوندیتوب کمېټې ولایتي استازو، د رسنیو مسؤلینو او خبریالانو شتون درلود.
ورپسې د اطلاعاتو او کلتور رئیس رفیع الله صمیم وویل، رسنۍ او خبریالان باید د ټولنې د اصلاح او پرمختګ په موخه نشرات وکړي. نوموړي زیاته کړه، چې موږ په یاده برخه کې د ژورنالېستانو ترڅنګ ولاړ یو او پوره ملاتړ یې کوو.
ورپسې د رسنیو استازو او خبریالانو په خپلو خبرو کې د یو لړ ستونزو، واړندیزونو او پرمختګونو د شریکولو سربېره وویل، موږ هڅه کوو، چې د خپل ولس لپاره منظم او ضروري برنامې وړاندې او خپل دروند مسؤلیت په ښه توګه ترسره کړو.
۱۴۴۴/۱۲/۷ هـ ق
۱۴۰۲/۴/۴ هـ ش
