د ټيلو مؤسسې استازي د پکتيا اطلاعاتو او کلتور رئيس سره وکتل
تېره ورځ په پکتيا کې د ټيلو مؤسسې استازي قديرالله لکڼوال د پکتيا اطلاعاتو او کلتورګ رئيس قاضي ثواب جان اسلام یار سره په خپل کاري دفتر کې ليدنه وکړه.
په پيل کې د ټيلو مؤسسې د "خلکو غږ پروژې" مسؤل قديرالله لکڼوال د اطلاعاتو او کلتور رئيس سره د دې پروژې فعاليت په هکله معلومات شريک کړل او ويې ويل چې دوی د ولس او امارت ترمنځ د لاډيرې همغږۍ په موخه پروګرامونه په پام کې لري. نوموړي زياته کړه چې د ا.ا. سره په همغږۍ خپل فعاليتونه ترسره کوي.
د پکتيا اطلاعاتو او کلتور رئيس قاضي ثواب جان اسلام يار وويل، چې اطلاعاتو او کلتور ریاست د ولس او حکومت ترمنځ د پل حثيت لري او د خلکو غږ تر اړوندې بنسټونو رسوي. نوموړي زياته کړه چې د خلکو غږ بايد د ا.ا. پاليسۍ مطابق تر اړوندې بنسټونو ورسول شي.
د اطلاعاتو او کلتور رئيس په دې ليدنه کې د يادې مؤسسې له استازي څخه غوښتنه وکړه چې د ځوانانو ملاتړ لپاره بايد بېلابېل پروګرامونه له دې رياست سره په همغږۍ جوړ کړې، څو ځوانانو ته په واقعي ډول خدمت وشي.
د اطلاعاتو او کلتور رئيس د ځوانانو د ښې همغږۍ لپاره د يادې مؤسسې استازې ته د اصولو مطابق د هر راز همکارۍ ډاډ ورکړ.
۱۴۴۴/۹/۲۰ هـ ق
۱۴۰۱/۱/۲۲ هـ ش
