زابل کې د ۱۷مې ګڼې فرمان په اړه عامه پوهاوی ترسره شو
د زابل ولایت د اطلاعاتو او فرهنګ ریاست اړوند د شاجوی ولسوالۍ د اطلاعاتو او فرهنګ مدیریت له لوري لسګونو تنو ځوانانو ته د عالیقدر امیرالمؤمنین (حفظه الله) د ۱۷مې ګڼې فرمان په اړه عامه پوهاوي ترسره شو.
په دغه پروګرام کې د یاد فرمان موخې او مهمې مادې ګډونوالو ته تشریح شوې او د ناوړه دودونو د مخنیوي، د اسلامي ارزښتونو د پیاوړتیا او د سالمې ټولنې د جوړېدو په اړه خبرې وشوې.
د شاجوی ولسوالۍ د اطلاعاتو او فرهنګ مديریت مسؤلینو له ځوانانو څخه وغوښتل چې د یاد فرمان پیغامونه له نورو خلکو سره هم شریک کړي او د ناوړه دودونو د له منځه وړلو په برخه کې خپل مسؤولیت ترسره کړي.
په پای کې ګډونوالو ژمنه وکړه، چې د اسلامي ارزښتونو د ساتنې او د ناوړه دودونو د مخنیوي لپاره به له اړوندو ادارو سره همکاري وکړي.
۱۴۴۸/۲/۱۷ ه
