په کندز کې د "ریدي ګل" مشاعره جوړه شوه
په کندز کې پرون د “ریدي ګل” تر نامه لاندې مشاعره جوړه شوه.
د باختر آژانس د خبر له مخې؛ دغه مشاعره د کندز د ښاروالۍ په چمن کې د پسرلي ادبي ټولنې بنسټ د د دولتي ادارو د رییسانو، د مدني ټولنې د فعالانو، فرهنګیانو، ځوانانو او خبریالانو په ګډون جوړه کړه.
د مشاعرې په دغو مراسمو کې د کندز د اطلاعاتو او فرهنګ رییس عبدالشکور قدردان وویل چې د پسرلي ادبي او فرهنګي بنسټ د کندز په کچه یو مخکښ فرهنګي بنسټ دی چې هر کال په پسرلي کې د “ریدي ګل” ترنامه لاندې مشاعره جوړوي.
په دې غونډه کې د کندز د مرکز او ولسوالیو شاعرانو خپل شعرونه ولوستل چې ګډونوالو یې هرکلي وکړ.
کابل/ د وري ۲۱ مه/ باختر
