د ۱۷مې او ۱۳مې ګڼې فرامینو د سیالۍ پایلې اعلان شوې
د پنجشېر اطلاعاتو او کلتور پوهنې ریاستونو په همکارۍ د عالیقدر امیرالمؤمنین(حفظهالله) د ۱۷مې او ۱۳مې ګڼې فرامینو سیالي چې د ۵۰۰ تنو ځوانانو ترمنځ ترسره شوې وه، پایلې یې اعلان او غوره ګډونوال یې په بېلابېلو ډالیو وستایل شول.
په غونډه کې د اطلاعاتو او کلتور رییس د یادو فرامینو د لوستلو ترڅنګ وویل: له دغې سیالۍ څخه موخه د یادو فرامینو له محتوا سره د ځوانانو لا ډېر بلد کول او د اسلامي شریعت په چوکاټ کې د نظم، عدالت او سالم ژوند په تأمین کې د ځوانانو رول روښانه کول وو.
د غونډې په پای کې د مسوولینو له لوري مخکښو بریالیو ګډونوالو ته بېلابېلې ډالۍ (کمپیوټر، موبایل، کالي او ستاینلیکونه) هم ووېشل شول.
۱۴۴۷/۸/۲۲ هـ ق
