په اسلامي ټولنه کې د رسنیو رول او د ژېړ ژورنالیزم تشریح په نوم علمي او څیړنیز سمینار ترسره شو

بادغیس کې د اطلاعاتو او کلتور ریاست په همکارۍ د عروج څیړنیزې ادارې له لوري په اسلامي ټولنه کې د رسنیو رول او د ژېړ ژورنالیزم تشریح په نوم علمي او څیړنیز سمینار ترسره شو. 
د اطلاعاتو او کلتور رئیس آخندزاده مطیع ‌الله متقي د رسنیو رول یو ستر رسالت وباله او زیاته یې کړه؛ رسنۍ باید خپل فعالیتونه د اسلامي شریعت له معیارونو سره سم ترسره کړي او د اسلامي امارت د پالیسو سره سم خپل رسالت په ښه توګه ادا کړي.
د سمینار په لړ کې یو تن خبریال ژېړ ژورنالیزم په مسلکي توګه بیان کړ او د دغه ډول ژورنالیزم په ځانګړتیاوو، منفي اغیزو، د خبریال ټولنیز مسؤلیتونه او په اسلامي ټولنه کې د خبریال د مقام په اړه يې هر اړخیز معلومات وړاندې کړل.
د سیمنار په پای کې ګډونوالو د رسنیو د لا ښه فعالیتونو ترسره کولو او ژېړ ژورنالیزم د مخنیوي په اړه خپل نظرونه او وړاندیزونه شریک کړل.

۱۴۴۷/۵/۲۶ هـ ق