د رسنیو له مسؤلینو او خبریالانو سره د همغږۍ ناسته وشوه
د لوګر ولايت د اطلاعاتو او کلتور رياست د رئيس مولوي فیض الله جوهري په مشرۍ د یاد ولايت د رسنيو له مسؤلينو، خبريالانو او د امارتي ادارو له وياندویانو سره د همغږۍ ناسته وشوه.
د اطلاعاتو او کلتور رئیس په سیمه ییزو رسنیو کې د خبریالانو او رسنیو کارکوونکو کاري قراردادونو د اړتیا، په بېلابیلو خپرونو کې د دیني او عصري علومو د علماوو ګډون او د رسنیزو فعالیتونو د لا غوره والي په اړه هراړخیزې خبرې وکړې او د رسنیو د ملاتړ په برخه کې یې د هر ډول همکاریو ژمنه وکړه.
دغه راز د رسنیو مسؤلینو معلوماتو ته د لاسرسي، راډیویي خپرونو کې د علماوو ګډون او یو شمېر نورو برخو کې خپل وړاندیزونه او غوښتنې د اطلاعاتو او کلتور ریاست مسؤلینو سره شریکې کړې.
په ورته وخت کې د بېلابیلو امارتي ادارو ویاندویانو معلوماتو ته د لاسرسي او یو شمېر نورو برخو کې د رسنیو مسؤلینو او خبریالانو ته د پوره همکاریو ډاډ ورکړ.
۱۴۴۷/۴/۵ هـ ق
