تخار کې د امارتي ادارو ویاندویانو او خبریالانو ته یو ورځنی سمينار جوړ شو
د تخار ولایت د اطلاعاتو او کلتور ریاست د یوناما دفتر او د خبريالانو خوندیتوب کمېټې په همکارۍ د امارتي ادارو وياندویانو او خبريالانو ته یو ورځنی سيمينار او د خپل منځي خبرو اترو جوړ کړ.
په دې يو ورځني سيمينار او د خبرو اترو پروګرام کې شاوخوا ۲۰ تنه خبريالانو او د امارتي ادارو وياندویانو ګډون کړی و.
د اطلاعاتو او کلتور رئيس مولوي ذبیح الله انصاري وویل: اسلامي امارت د بيان ازادۍ ته د شريعت او اسلامي قانون په چوکاټ کې ژمن دی او ملاتړ يې کوي، په تېرو شلو کلونو کې د پوځي جګړې تر څنګ فرهنګي او رسنیز فعالیتونه د اسلامي امارت له مهمو پروګرامونو څخه ګڼل کېدل.
نوموړي زياته کړه؛ د اطلاعاتو او کلتور ریاست په تېرو څلورو کلونو کې له محلي رسنیو ملاتړ کړی او هغوی ته یې د اطلاعاتو د لاسرسي زمينه برابره کړې ده.
همدا راز په دې پروګرام کې د یوناما دفتر د عامه پوهاوي مسؤل شمسالدین حامدي، د یوناما د کندز دفتر مسؤل ښاغلی ساموئل او د خبريالانو د خوندیتوب کمېټې مسؤل عبدالسمیع خاوري د ویاندویانو او خبريالانو د رول او مسؤولیتونو په اړه خبرې وکړې او خبريالان يې د حکومت او ولس سترګې او ژبه وبلل.
۱۴۴۷/۳/۲۵ هـ ق
