د خپرونو چارو معین او د جهادي ارزښتونو د ساتنې عمومي ریاست سرپرست د دې رياست له چارو څخه لیدنه وکړه
پنجشنبه( ۱۴ د محرم الحرام ۱۴۴۷) د اطلاعاتو او کلتور وزارت د خپرونو چارو معین او د جهادي ارزښتونو د ساتنې عمومي ریاست سرپرست رئیس ښاغلي مهاجر فراهي د یاد ریاست له اړوندو چارو څخه لیدنه وکړه.
ښاغلي فراهي د جهادي ارزښتونو د ساتنې عمومي ریاست له نورو مسؤلینو سره یوځای د ریاست د کارکوونکو له چارو، ودانۍ او نورو ځانګړو ځایونو څخه لیدنه وکړه او هغه ځایونه یې مشخص کړل، چې په کې به له اشغالګرو څخه پاتې شوي مهم توکي د تاریخي آثارو په توګه ځای پرځای کیږي.
نوموړي همداراز د کارونو د انسجام او لا ښه ترسراوي په موخه د ياد ریاست کارکوونکو ته د هر راز همکارۍ ډاډ ورکړ.
۱۴۰۴/۴/۱۹ ھـ ل
