لغمان کې د مديريت او ارتباطاتو په اړه دوه ورځنی ښوونيز سیمينار جوړ شو

د لغمان ولايت د اطلاعاتو او کلتور رياست په هڅو او همکارۍ د بشري حقونو او په رسنيو د څار ادارې لخوا ۳۰ تنو ځوانانو ته د ټولنيزو خدمتونو، مديريت او ارتباطاتو دوه ورځنی ښوونيز سيمينار جوړ شو، چې موخه یې په ټولنیزو موضوعاتو کې یو له بل سره همکاري او چمتووالی دی.
د سيمينار د پيل په مراسمو کې د اطلاعاتو او کلتور رئيس مولوي عبدالنور رسولي وويل: ځوانان د ټولنې مهمه او ملاتړ کوونکې برخه ده، باید د ټولنې د اصلاح، د اسلامي نظام د ملاتړ او د ټولنیزو خدمتونو برخو کې فعاله ونډه واخلي، تر څو د ټولنې ستونزې ختمې او پر ځای يې پرمختګونه او نوښتونه رامنځته شی.
د سیمينار په ترڅ کې به ګډونوالو ته له يو او بل سره د همکارۍ، د ټولنیزو خدمتونو، د مدیریت، اړیکو، ادارې او د مدیریت د بنسټونو په اړه معلومات وړاندې شي او د ګډونوالو ترمنځ به د يادو موضوعاتو په اړه د نظرياتو تبادله وشي.
د یادونې وړ ده، چې تر دې وړاندې هم ۳۰ تنو نورو ځوانانو ته په یاده برخه کې دا ډول سیمینار جوړ شوی و.

۱۴۴۷/۱/۱۱ هـ ق