۵۰ تنه ځوانان د ویناوالۍ او شخصیت جوړونې له زده کړو فارغ شول
د ننګرهار د اطلاعاتو او کلتور ریاست ځوانانو چارو آمریت له لوري په کلتور ښوونیز مرکز کې ۵۰ تنه ځوانان د ویناوالۍ او شخصیت جوړونې زده کړې څخه د یوې غونډې په ترڅ کې فارغ شول.
په ياده غونډه کې د اطلاعاتو او کلتور ریاست په استازولۍ د فرهنګ آمر سید امرالله امید یادو ځوانانو ته د مبارکۍ ورکولو ترڅنګ وویل:د افتخار ځای دی، چې زموږ ځوانان ورځ تر بلې د تعلیم ترلاسه کولو لپاره کوټلي ګامونه اخلي او د هېواد د روښانه راتلونکې لپاره هڅې کوي.
همداراز ښاغلي د یادې برنامې له استاذانو مننه وکړه، چې د ځوانانو په روزنه کې له دوی سره په وړیا ډول همکاري کوي.
په پای کې فارغینو ته د مسوولینو له لوري بری لیکونه ورکړل شول.
۱۴۴۵/۸/۲۸ھ ش
۱۴۰۲/۱۲/۲۰ھ ق
