یو بهرني سیلاني د پروان له توپدرې سټوپې څخه لیدنه وکړه

پنجشنبه(۲۹ د رجب۱۴۴۵) یو سنګاپوري سيلاني بسانت (Basanth) په پروان ولايت کې له توپدرې سټوپې څخه ليدنه وکړه.

 د ليدنې پر مهال د اطلاعاتو او کلتور ریاست د کلتور او ګرځندوی آمر عتيق الله صافي د توپدرې سټوپې د ارزښت او تاريخي شاليد په اړه معلومات ورکړل او ويې ويل: د توپدرې سټوپه يو له تاريخي آبداتو څخه ده، چې شاوخوا ۲۰۰۰ کاله تاریخ لري.

ښاغلي صافي زیاته کړه؛ په پروان ولایت کې له ۸۰ څخه زیاتې تاریخي، لرغوني او سیاحتي سيمې شتون لري چې تر ټولو مشهور یې د توپدرې سټوپه، د جبل السراج تاریخي کلا، د بګرام کلا، عبدالله برج، او جبل السراج تاریخي برجونه دي.

په ورته وخت کې بسانت (Basanth) پروان ولایت ته د خپل سفر موخه، د تاريخي، لرغونو او سياحتي سیمو څخه ليدنه یاده کړه او زیاته یې کړه؛ چې مونږ افغانستان د ډاډمن امنیت لرونکی هیواد و وموند، د افغانستان خلک واقعاً په یوه داسې خاوره کې ژوند کوي چې په سلګونو تاریخي آثار لري.

 ښاغلي بسانت د اطلاعاتو او کلتور ریاست له هرکلي څخه د مننې ترڅنګ له نورو کورنیو او بهرنیو سیلانیانو هم وغوښتل، چې افغانستان ته سفر وکړي او له سیاحتي ځایونو څخه لیدنه وکړي.