کندهار کې د لوړو زده کړو مؤسسې سره علمي تړون لاسليک شو
د کندهار ولايت د اطلاعاتو او کلتور رياست د ځوانانو چارو آمريت د ملالۍ لوړو زده کړو مؤسسې سره په دوو پوهنځيو کې د ځوانانو د جذبولو په موخه علمي تړون لاسليک کړ.
د اطلاعاتو او کلتور رياست اړوند د ځوانانو چارو آمر حافظ حمدالله سعيد وویل: د ځوانانو چارو آمريت د ملالۍ لوړو زده کړو مؤسسې سره په حقوقو، سياسې علومو او نړيوالو اړيکو کې په ۷۳ سلنه تخفيف سره يو تړون لاسليک کړ، چې علاقمند ځوانان به د کانکور په ازموينې کې چې د سنبلې مياشتې په دويمه نېټه اخيستل کېږي، تر بريالي کېدو وروسته په يادو پوهنځيو کې په فيس کې د تخفیف سره زده کړې کوي.
د يادونې وړ ده، چې علاقمند ځوانان به د ملالۍ لوړو زده کړو مؤسسې ته د ځوانانو چارو آمريت له لوري ورپېژندل کېږي.
۱۴۴۶/۲/۲ ھ ق
۱۴۰۳/۵/۱۶ ھ ل
