کندهار کې د فريلانسينګ زده کړو لپاره ازموينه واخیستل سوه
يکشنبه ( ۲۲ د محرم الحرام ۱۴۴۶ ) د کندهار ولایت د اطلاعاتو او کلتور رياست او YHDO مؤسسې اړوند ښوونيز مرکز ته د جذب په موخه له 80 تنو څخه د فريلانسينګ په برخه کې ازموينه واخيستل شوه .
د اطلاعاتو او کلتور رياست د ځوانانو چارو آمر حافظ حمدالله سعيد وايي: د يادو کسانو څخه په ګرافيک ويب او امازون برخو کې ازموينه واخيستل شوه، چې بریالیو زده کوونکو ته به د عينو مينې په ښوونيز مرکز کې په ګرافيک ويب او امازون برخو کې مسلکي زده کړې ورکول کیږي.
د يادونې وړ ده، چې اوس مهال په اطلاعاتو او فرهنګ رياست کې سلګونه زده کوونکي په عربي، ترکي، انګليسي، او کمپيوټر ، برخو کي وړيا زده کړي کوي.
۱۴۰۳/۵/۸ ھ ل
۲۰۲۴/۷/۲۹ ميلادي
