کاپیسا کې د امارت او رسنیو ګډې کمېټې ناسته وکړه
کاپیسا کې د امارت او رسنیو ګډې کمېټې ناسته د اطلاعاتو او کلتور رئیس مولوي کریم الله وثیق په مشرۍ ترسره شوه، چې پکې د رسنیو مسؤلینو، خبریالانو او د امارتي ادارو ویاندویانو ګډون کړی وو.
د اطلاعاتو او کلتور رئیس مولوي کریم الله وثیق رسنۍ د فکري یرغل او باطلو افکارو په وړاندې د مبارزې غوره وسیله وبلله او ویې ویل: رسنۍ او خبریالان د انسان په ژوند، د ټولنې د افرادو په فکري ویښتیا او تربیت کې اغیزمن او مستقیم رول لري او رسنۍ خلکو ته د ذهنیت ورکولو ترڅنګ د نړۍ د تحولاتو په اړه معلومات ورکوي.
ورته مهال د رسنیو مسؤلینو، خبریالانو او د امارتي ادارو ویاندویانو د خپلو نشراتي فعالیتونو او هڅو په اړه د معلوماتو وړاندې کولو ترڅنګ خپلې ستونزې او وړاندیزونه شریک کړل، چې د مسؤلینو له لوري د ستونزو د حل او وړاندیزونو ته د رسیدو ډاډ ورکړل شو.
۱۴۴۷/۶/۲۷ هـ ق
