کاپيسا کې د ( محلي کتابتونونو سره د بلدتيا) ښوونيز سمينار ترسره شو
سهشنبه (۶ د ذوالقعدې ۱۴۴۵) د کاپيسا ولايت د اطلاعاتو او فرهنګ رياست له لوري د هيرو موسسې په همکارۍ د مرکز محمود راقي، د اولې حصې او دوهمې حصې ولسواليو ۳۰ تنو د پراختيايي شوراګانوغړو، د ښوونځيو استادانو او زده کوونکو او د کتابتونونو مسؤلينو ته د ( محلي کتابتونونو سره د بلدتيا) په نوم ښوونيز ورکشاپ ترسره شو.
د اطلاعاتو او فرهنګ رياست د فرهنګ او ګرځندوی آمر نصرت الله نصرت د ياد ښوونيز سمينار د جوړولو له امله د هيرو موسسې له همکاريو مننه وکړه او ويې ويل د اطلاعاتو او فرهنګ رياست هڅه کوي، تر څو دا ډول نور ښوونيز سمينارونه هم جوړ کړي.
د هيرو موسسې سوپروايزر سياف الدين فيضي وويل: هڅه کوي، چې د عامه او محلي کتابتونونو مسؤلين او د ټولنې وګړي د کتابتونونو د جوړولو او ترې په سمه توګه د استفادې کولو په لارو چارو وپوهوي او ښوونيز سمينارونه ورته ترتيب کړي.
۱۴۰۳/۲/۲۵ هـ ل
۲۰۲۴/۵/۱۴ میلادي
