چین کې د افغانستان سفارت له لوري د زمري۲۴مه (فتحې ورځ) ونمانځل شوه
د چین په پلازمینه پکن ښار کې د افغانستان د سفارت په انګړ کې د سفارت او د اطلاعاتو او کلتور وزارت کلتوري آتشې په ګډې همکارۍ د زمري ۲۴مه (فتحې ورځ) په شانداره مراسمو ونمانځله، چې پکې د بېلابېلو هېوادونو دیپلوماتانو، فرهنګي شخصیتونو، استادانو، زده کړیالانو او چین مېشتو هېوادوالو ګډون کړی وو.
د غونډې وینا کوونکو د زمري ۲۴مې، (د هېوادوالو د عزت او بریا ورځ) د اهمیت په اړه خبرې وکړې او د هېواد د خپلواکۍ په لاره کې یې د مجاهدینو او ولس د سرښندنو او قربانیو څخه یادونه وکړه.
د غونډې ګډونوالو د دې ډول مراسمو جوړېدو څخه د خوښۍ څرګندولو سربېره په نړیواله کچه د هېواد ویاړلي تاریخ او فرهنګ پېژندلو د هڅو پر دوام ټینګار وکړ.
۱۴۴۷/۲/۲۶ هـ.ق
