ځوانان د ټولنې ځواکمن قشر دی
سه شنبه ( ۱۷ د محرم الحرام ۱۴۴۶ ) د ميدان وردګو ولايت د اطلاعاتو او کلتور ریاست د ځوانانو چارو او فرهنګ او ګرځندوی آمریتونو له لوري په سيد آباد ولسوالۍ کې له ځوانانو سره د همغږۍ غوڼډه وشوه.
په ورته وخت کې د ځوانانو چارو آمر مولوي عبدالعزيز عزام ځوانان د ټولنې ځواکمن قشر وباله او د اطلاعاتو او کلتور ریاست له خوا یې له دوی سره د هر ډول همکارۍ کولو ډاډ ورکړ، نوموړي وویل: د ځوانانو چارو آمریت په راتلونکي کې پلان لري، چې ځوانانو ته په ولسواليو کې ادبي بهيرونه جوړ کړي، تر څو دوی ته د شعر، ادب او ليکوالۍ په برخو کې لازم فرصتونه برابر کړي.
ځوانانو د اطلاعاتو او کلتور ریاست څخه مننه وکړه او زياته يې کړه: اسلامي نظام د ټولو افغانانو په ځانګړي ډول د ځوانانو په بې شمېره قربانیو راغلی، همدا راز ځوانانو په راتلونکي کې هم د هر ډول همکارۍ او ملاتړ ډاډ ورکړ او د ځوانانو چارو له آمریت سره د بشپړې همغږۍ اماده ګي وښوده.
۱۴۰۳/۵/۳ ھـ ل
۲۰۲۴/۷/۲۴ ميلادي
