پوهاند باوري د بدخشان سيمه ييز نګارستان پرانيست

د اطلاعاتو او فرهنګ وزارت د فرهنګ او هنر معين پوهاند محمد رسول باوري نن  د بدخشان د اطلاعاتو او فرهنګ رياست سيمه ييز نګارستان پرانيست.
د باختر آژانس د خبر له مخې؛ په هغې غونډه کې چې په همدې مناسبت جوړه شوې وه؛ د بدخشان د دولتي ادارو په رييسانو سربېره، يوشمېر فرهنګيانو، هنرمندانو او په بدخشان کې د تاجکستان قونسل هم ګډون کړى و.
د بدخشان د اطلاعاتو او فرهنګ رييس نقيب الله ثاقب يار د بدخشان د سيمه ييز نګارستان په جوړولو کې د اطلاعاتو او فرهنګ وزارت او د اړوندو بنسټونو له همکارۍ څخه په خوښي سره وويل چې د دغه نګارستان جوړول د دغه ولايت د ټولو هنرمندانو او فرهنګيانو اړتيا ده چې خپل فرهنګي آثار له دې لارې راتلونکو نسلونو او تاريخ ته وسپاري.
هغه زياته کړه چې د هنرمندانو د انځورګرۍ او هنري آثار کولاى شي د ګرځندوى جاذبې هم له ځان سره ولري.

کابل / د تلې ۵ مه / باختر