په کونړ کې د رسنيو له مسوولينو سره د همغږۍ غونډه ترسره شوه
د کونړ ولایت د اطلاعاتو او کلتور رياست رئيس مولوي نجيب الله حنیف، د اطلاعاتو آمر جنت ګل فدا په شتون کې د خبریالانو او د رسنيو مسوولینو سره د همغږۍ غونډه ترسره شوه.
په پيل کې د اطلاعاتو او کلتور رئیس مولوي نجیب الله حنیف د ټولینزو رسنیو مسوولینو ته سپارښتنې وکړې او ترې ویې غوښتل چې خپلې خپرونې د اسلامي امارت د پالیسۍ او د افغاني ارزښتونو سره سمې چمتو او رسمي جوازونه ترلاسه کړي.
همدارنګه ښاغلي حنیف وویل: هر هغه څوک چې د اطلاعاتو او کلتور ریاست څخه ترلاسه کړی جواز ونه لري او خپرونې وکړي، قانوني چلند به ورسره کېږي، بیا هېڅوک د شکایت حق نه لري.
په پای کې د رسنيو مسوولینو ژمنه وکړه چې رسمي جوازونه به ترلاسه کوي او خپرونې به د اسلامي امارت او افغاني کلتور سره سمې برابرې او خپروي.
۱/۱۱/۱۴۰۳ هـجري لمریز
۱۹/۷/۱۴۴۶ هـجري سپوږمیز
