په پروان ولایت کې لسګونه ځوانان د وینافن له روزنیز پروګرام څخه فارغ شول
د پروان ولایت اطلاعاتو او کلتور رياست د ښوونیز کورس څخه لسګونه ځوانان د وينافن له مياشتني تعليمي پروګرام څخه فارغ شول.
په دې اړه جوړه شوې غونډه کې د اطلاعاتو او کلتور ریاست د ځوانانو چارو عمومي مدیر احمد جاويد پويش د ځوانانو د ظرفيت د لوړولو په برخه کې د دغه رياست د کړنو او فعاليتونو په اړه معلوماتو وړاندې کړل او زیاته یې کړه، د خوښۍ ځای دی چې نن له دغه ښوونیز مرکز څخه يو شمېر ځوانان فارغ شول.
ورپسې د یاد ولایت د اطلاعاتو او کلتور رئيس مولوي شمس الرحمن صديقي د دغه ځوانانو د فراغت د مبارکۍ په ترڅ کې د وینافن د هنر پر اهميت خبرې وکړې او ویې ويل: د وینافن د ټولنې له اړتياوو څخه دی، ځوانان بايد په دې مهارت سره ځانونه پوه کړي او خپل فصاحت ته وده ورکړي.
۱۴۴۵/۲/۲۵ هـ ق
۱۴۰۲/۶/۱۹ هـ ش
