په میدان وردګو کې له رسنیو سره د همغږۍ غونډه وشوه
نن شنبې ورځ (۱۴۴۴/۱۱/۲۸ هـ ق) د میدان وردګو ولایت په اطلاعاتو او کلتور ریاست کې د دغه ریاست رئیس مولوي حبيب الله مجاهد تر مشرۍ لاندې د رسنیو سره د همغږۍ غونډه تر سره شوه.
د غونډې په پیل کې مولوي حبيب الله مجاهد ژورنالېستانو ته په یاد ولایت کې د رسنیو د ملاتړ او همکارۍ ډاډ ورکړ او ویې ویل، ټولې رسنۍ باید د اسلامي ارزښتونو او افغاني عنعناتو مطابق خپرونې وکړي.
ورپسې د اطلاعاتو آمر وویل، په دغه ولایت کې تردې مهاله د رسنیو د کار پر وړاندې کومه ننګونه نده را منځته شوې او د دوی په لا ښې همغږۍ یې ټینګار وکړ.
همدا ډول د نصرت میډیا ګروپ مسؤل امان الله نصرت د رسنیو په اهمیت خبرې وکړې او ویې ویل، په میدان وردګو ولایت کې شته رسنۍ باید په همغږۍ د دغه ولایت ستونزو او لاسته راوړنو ته انعکاس ورکړي او د ژورنالېستانو د ظرفیت لوړونې لپاره کار وکړي.
