په لغمان کې په تحقیقي ژورنالیزم پورې اړوند د ظرفیت لوړولو ورکشاپ پای ته ورسېد

farzad_moicgovaf
دوشنبه ۱۳۹۹/۱۰/۲۲ - ۱۵:۸
په لغمان کې په تحقیقي ژورنالیزم پورې اړوند د ظرفیت لوړولو ورکشاپ پای ته ورسېد

په لغمان کې په تحقیقي ژورنالیزم پورې اړوند د ظرفیت لوړولو دوه ورځنی ورکشاپ پرون پای ته ورسېد.
د باختر آژانس د سیمه ییز خبریال د خبر له مخې؛ دغه ورکشاپ چې (ګهیځ د لیکوالو او ژورنالیستانو ټولنې) د لغمان د اطلاعاتو او فرهنګ ریاست په همکارۍ جوړ کړی و، د ښځو او نارینه و په شمول ۱۶ ژورنالیستانو په کې ګډون کړی و.
د ورکشاپ د پای په مراسمو کې د (ګهیځ د لیکوالو او ژورنالیستانو ټولنې) مسوول سردارمحمد دیندارخېل له اطلاعاتو او فرهنګ ریاست څخه په منننې سره ژمنه وکړه چې دې ته ورته نور ښوونیز ورکشاپونه به هم د لغمان ژورنالیستانو ته جوړ کړي.
د لغمان د اطلاعاتو او فرهنګ ریاست د اطلاعاتو آمر عتیق الله قریشي په خپلو خبرو کې د یادې ټولنې له رهبرۍ څخه مننه وکړه چې په مهمو برخو کې یې د لغمان ژورنالیستانو ته دغه ښوونیز ورکشاپ جوړ کړ.
قریشي زیاته کړه: موږ هڅه کوو چې د همکارو ادارو پر مټ د لغمان د ژورنالېستانو د ظرفیت لوړولو په موخه لنډمهاله او اوږد مهاله ښوونیز پروګرامونه ترسره کړو چې د لغمان ژورنالیستان تر بل هر وخته ښه وځلېږي.
د یاد ورکشاپ دوو ګډونوالو کیهان محمدزي او سلوا سروش د نورو په استازیتوب خبرې وکړې او د اطلاعاتو او فرهنګ ریاست او ګهیځ د لیکوالو او ژورنالیستانو ټولنې له مسوولینو څخه د منننې ترڅنګ، یاد ورکشاپ ګټور وباله.
دوی وویل چې په دغه دوه ورځني ورکشاپ کې ډېر مهم مسایل زده کړل او د دندې پرمهال به ترې ګټه واخلي. هغوی هیله څرګنده کړه چې دې ته ورته نور ورکشاپونه هم د لغمان ژورنالیستانو ته جوړ شي.
په دغه ورکشاپ کې د ښه پروپوزل لیکنې، رهبرۍ او مدیریت په اړوند ګډونوالو ته معلومات وړاندې شول.

کابل/ د مرغومي ۲۲ مه/ باختر

تازه خبرونه

چهارشنبه ۱۳۹۹/۱۱/۱۵ - ۱۰:۱۳
Background image

محمد طاهر زهير په پرتمين ډول "د سرتېري فلم جشن" پر جوړولو ټينګار وکړ

د اطلاعاتو او فرهنګ وزارت د سرپرست محمد طاهر زهير په مشرۍ نن ”د سرتېري فلم جشن” د جوړولو په موخه د چمتووالي او همغږۍ غونډه جوړه شوه.
د باختر آژانس خبريال د خبر له مخې؛ دغه جشن د. . .

سه‌شنبه ۱۳۹۹/۱۱/۱۴ - ۱۱:۴۰
Background image

د "شکوه و پهنۀ زبان پارسي" کتاب مخکتنه وشوه

د غلام محمد محمدي تاليف ”شکوه و پهنۀ زبان پارسي” کتاب نن د اطلاعاتو او فرهنګ وزارت په تالار کې مخکتنه وشوه .
د باختر آژانس خبريال د خبر له مخې؛ د دغه کتاب د مخکتنې په غونډه کې چې. . .

دوشنبه ۱۳۹۹/۱۱/۱۳ - ۱۴:۳۷
Background image

محمد طاهر زهیر: د اطلاعاتو او فرهنګ وزارت د کتاب د ليکوالو او ناشرانو ملاتړ کوي

د اطلاعاتو او فرهنګ وزارت سرپرست نن ”د ملګرو ملتونو سازمان او د افغانستان سياسي پرمختيا” کتاب د مخکتنې په وخت کې وويل: فرهنګي وده، په ټولو برخو کې د ودې او پرمختيا لپاره سريزه ده چې له. . .

BACK TO NEWS