په بغلان ولايت کې دوه لرغونې سیمې کشف شوې
نن پنج شنبه (۱۴۴۴/۱۱/۲۶ هـ ق) د لرغونپوهنې رياست مسلکي ټيم په دغه ولایت کې د سروې پرمهال دوه لرغونې سيمې د پلخمري ښار شمال خوا ته کشف کړې، د لومړیو شواهدو په آساس یادې سیمې د کوشانیانو دورې پورې تړاو لري.
د لرغونپوهنی ریاست رئیس ذبیح الله سادات وایي، چې افغان لرغون پوهان د هېواد د با ارزښته تاریخ برسیره کولو ته ژمن دي.
د لرغونو سیمو د سروې آمر محمد سلیم واک وایي، چې دوي په پام کې لري د لرغونو سیمو سروې د هېواد په ټولو ولایاتو کې ترسره کړي.
