په بامیان کې د ځوانانو نړیواله ورځ ولمانځل شوه

په بامیانو ولایت کې د ځوانانو نړیواله ورځ ولمانځل شوه، په دې اړه جوړه شوې غونډه کې د یاد ولايت د اطلاعاتو او کلتور رئيس صفي الله رائد، په باميانو کې د يوناما د دفتر مشرې مېرمن سارا ديمول او ځوانانو ګډون درلود.
په پیل کې مېرمن سارا دیمول وویل: د ځوانانو، سیمه ییزو خلکو، علماوو، د دولتي ادارو او بنسټونو د مسؤلینو ترمنځ باید همغږي پیاوړې شي او ځوانانو ته باید تل مثبته انګیزه ورکړل شي. تر څو په خپلو چارو کې لا پرمختګ وکړي.
ورپسې ښاغلي رائد له ټولو ځوانانو وغوښتل چې په خپلو چارو کې ورورولي، او ايماندارۍ او صداقت وکړئ، تر څو د ځوانانو او د ټولنې تر منځ په يووالي کې ښه همغږي او اړيکې رامنځته شي.
د دغه ولایت سیمه ییزې ادارې به په بېلابېلو برخو لکه:  پراختیا، همغږي، اطلاعاتو، سپورت، ښوونې او روزنې، کارموندنې او کلتور کې په خپل ټول توان سره له ځوانانو همکاري کوي.
د غونډې په وروستۍ برخه کې د ځوانانو په استازولۍ یوه ځوان، د ځوانانو د ورورولۍ او یووالي په ټینګښت کې، ډاډ ورکړ او د ټولنې د ټولو طبقو تر منځ یې د همغږۍ په برخه کې خپل ملاتړ اعلان کړ.

۱۴۴۵/۱/۲۶ هـ ق
۱۴۰۲/۵/۲۱ هـ ش