په بادغیس کې د رسنیو استازو او خبریالانو سره د همږغۍ غونډه وشوه
د بادغیس ولایت د اطلاعاتو او کلتور ریاست له خوا د رسنیو استازو او خبریالانو سره د همږغۍ غونډه د اطلاعاتو او کلتور د رئيس مولوي مطیع الله متقي په مشرۍ وشوه.
د غونډې په پيل کې د اطلاعاتو او کلتور رئیس مولوي مطیع الله متقي د امر بالمعروف او نهی عنالمنکر د قانون د پلي کولو په اړه خبرې وکړې او د رسنیو له استازو او خبریالانو څخه یې وغوښتل، چې په بېلابېلو برخو کې له محتسبینو سره لازمه همکاري وکړي.
د رسنیو استازو او خبریالانو د بادغیس ولایت د اطلاعاتو او کلتور ریاست د دې ډول غونډو د جوړولو له امله مننه وکړه او ډاډ یې ورکړ چې ټول قوانین او فرمانونه به په بشپړه توګه پلي کوي او هر راز همکاري به کوي.
۱۴۴۶/۷/۱۵ ق
۱۴۰۳/۱۰/۲۷ ل
