پنجشېر کې د رسنیو له مسؤلینو او خبریالانو سره د همغږۍ ناسته وشوه
د پنجشېر ولایت د اطلاعاتو او کلتور ریاست له لوري د خبریالانو د خوندیتوب کمېټې په همکارۍ د رسنیو مسؤلینو، خبریالانو او دولتي ادارو ویاندویانو سره د همغږۍ ناسته وشوه.
د ناستې په پیل کې د اطلاعاتو او کلتور رئیس مولوي نصرالله ملک زاده وویل: په دې ناسته کې د رسنیو ملاتړ، خبریالانو ته د کاري اسانتیاوو برابرولو، اطلاعاتو ته د لاس رسي او د دولتي ادارو او رسنیو ترمنځ د همغږۍ پر پیاوړتیا باندې خبرې وشو.
ښاغلي ملک زاده، د اسلامي نظام د ملاتړ په برخه کې د رسنیو رول مهم یاد کړ او له خبریالانو یې وغوښتل، چې د دقیقې اطلاع رسونې په برخه کې دې د بې پرېتوب اصل مراعات او په مسلکي توګه دې خپل فعالیتونه ترسره کړي.
همدرانګه مولوي ملک زاده زیاته کړه، چې د یووالي ساتلو او د اسلامي امارت د لاسته راوړنو رسنیز کولو په برخه کې ټول باید د اسلامي امارت نشراتي پالیسي مطابق عمل وکړو او ټولنه د روښانتیا په لور دعوت کړو.
د دې ناستې په پای کې د رسنیو مسؤلینو، خبریالانو او دولتي ادارو ویاندویانو خپلې ستونزې، وړاندیزونه او غوښتنې بیان کړې او د لازیاتې همغږۍ د ساتلو پر اړتیا یې ټینګار وکړ.
۱۴۴۷/۳/۳ هـ ق
