هنرستان ریاست کې د فراغت غونډه او د هنري آثارو نندارتون ترسره شو
نن سه شنبه (۱۴۴۷ ربیع الاول ۱۴۴۷) د اطلاعاتو او کلتور وزارت د هنر او فرهنګ معینیت اړوند هنرستان ریاست له لوري د فراغت غونډه او د غلام محمد میمنه ګي هنري ښوونیز مرکز د استادانو او زده کوونکو د هنري آثارو نندارتون ترسره شو.
د فراغت په غونډه کې د وزارت د مقام دفتر رئیس مولوي احسان الله حسان، د هنرستان رئیس، د فیروز کوه موسسې استازي، هنرمندانو، مینیاتورانو، نقاشانو، خطاطانو، استادانو او زده کوونکو ګډون کړی وو.
په پیل کې د هنرستان رئیس مفتي محمد لعل منیب د غونډې ګډونوالو ته د ښه راغلاست تر څنګ وویل: چې د اسلامي امارت رهبري هنرمندانو ته ځانګړې پاملرنه لري او له دوی څخه ملاتړ کوي، ښاغلي منیب ډاډ ورکړ، چې په نږدې وخت کې به د هنرمندانو ستونزو ته رسېدنه وشي.
د غلام محمد میمنه ګی ښوونیزو مرکز آمر د دغه مرکز تاریخي مخینې په اړه هر اړخیز معلومات وړاندې کړل او ویې ویل: په دې مرکز کې شاوخوا ۷۰۰ تنه ځوانان زده کړې کوي او ۱۴۸ تنه سږکال ورڅخه فارغ شول.
د غلام محمد میمنه ګی ښوونیزو مرکز د استادانو له جملې یو تن د هنر په اهمیت خبرې وکړې او ویې ویل: په تېرو کې هنر ته پاملرنه نه کېدله، مګر له نیکمرغه د اسلامي امارت په بیا حاکمیت سره هنر پیاوړی شوی دی او هنر ته ځانګړې توجه شوې ده.
د فارغ شویو ځوانانو په استازوالۍ یو تن د هنرستان ریاست د وړیا زده کړو زمینې برابرولو څخه خوښي وښوده او د نویو ټولګیو د جوړېدلو غوښتونکی شو.
