نيمروز کې (روژه د قرآن کریم د نزول میاشت) تر سرلیک لاندې مشاعره ترسره شوه

د نیمروز اطلاعاتو او کلتور ریاست له لوري (روژه د قرآن کریم د نزول میاشت) تر سرلیک لاندي مشاعره ترسره شوه.
د اطلاعاتو او کلتور رئیس ګډونوالو ته د ښه راغلاست ویلو ترڅنګ په اسلام کې د شعر او شاعرۍ د تاریخ په اړه خبرې وکړې او ویې ویل: هغه شاعري چې په کې اسلامي ارزښتونه په پام کې نیول شوي وي، ډیره ګټوره او مثمره وي، ځکه چې پیغمبر (صلی الله علیه وسلم) د ریښتینې شعر او هغو شاعرانو ملاتړ کړی، چې په خپلو شعرونو کې یې د اسلامي ارزښتونو دفاع کړې ده. 
نوموړي له شاعرانو وغوښتل، چې په خپلو شعرونو کې اسلامي ارزښتونه، د امیر اطاعت، د اسلامي نظام استحکام، اخلاص او د فکري جګړې پر وړاندې مبارزه په پام کې ونیسي، ترڅو خپل دیني او ملي رسالت ادا کړي، د اطلاعاتو او کلتور ریاست د شاعرانو او ادیبانو هر اړخیز ملاتړ ته ژمن دی.
ورته مهال په دغې مشاعرې کې شاعرانو، نعت او ترنم ویونکو خپل چمتو کړي شعرونه هم وړاندې کړل.

۱۴۴۷/۸/۲۹ هـ ق