نورستان کې د فکري ویښتیا په موخه ځوانانو ته یو ورځنی سمينار ورکړل شو
د نورستان ولایت مرکز پارون کې د اطلاعاتو اوکلتور رياست د ځوانانو چارو امریت او حریت نشراتي ادارې په همغږۍ د فکري ویښتیا په موخه ځوانانو ته یو ورځنی سمينار ورکړل شو.
په یاد سمینار کې ځوانانو ته فکري ویښتیا، اسلامي حاکميت، د اسلامي فکر پراخوالی، یووالي او يو شمېر نورو موضوعاتو په اړه معلومات وړاندې شول.
د نورستان د اطلاعاتو او کلتور رئیس مولوي سميع الحق حق بیان د سمینار ټولو ګډونوالو ته ښه راغلاست ووایه او دغه ډول سمینارونه یې د ځوانانو د فکري سمون لپاره یو ارزښت ناکه ګام یاد کړ، نوموړي له ځوانانو وغوښتل، چې د نظام د بقاء او پرمختګ لپاره د اسلامي نظام ملاتړ وکړي او په یووالي سره دې د هېواد خدمت وکړي.
همدا راز د سمينار نورو ویناوالو د فکري ویښتیا پر ارزښت او هدفونو مهمې ویناوې وکړې او د دغه ډول سمینارونو جوړول يې اړین وبلل، دوی له ځوانانو څخه غوښتنه وکړه، چې له خپلو استعدادونو څخه په ګټې اخستنې سره په فکري رغونه کې خپل مسووليت ادا کړي.
په سمینار کې ګډونوالو ځوانانو د یاد سمینار په جوړېدو خوښي وښوده او د ورته نورو سمينارونو د جوړولو غوښتنه يې وکړه.
۱۴۴۶/۶/۸ هـ ق
۱۴۰۳/۹/۲۰ هـ ل
