نورستان کې د امارت پېژندنې کتاب علمي سيالۍ ازموينه واخيستل شوه
پنجشنبه ( ۱۴ ذوالقعده ۱۴۴۵ ) د نورستان ولايت د اطلاعاتو او فرهنګ رياست د ځوانانو چارو آمريت له لوري د غربي نورستان په نورګرام ولسوالۍ کې د امارت پېژندنې کتاب علمي سيالۍ ازموينه واخيستل شوه.
د اطلاعاتو او فرهنګ رياست رئيس مولوي سميع الحق حق بيان وويل: په دې سیالۍ کې ۲۷۹ تنو نوم ليکنه کړې وه چې له ازموينې وروسته به د غوره مقام ګټونکي په مختلفو ډاليو ونازول شي.
ښاغلي حق بيان زياته کړه؛ له دې سياليو څخه يې موخه د ځوانانو علمي وړتیا لوړونه او فکري رغښت دی.
د يادولو وړ ده چې د اطلاعاتو او فرهنګ رياست له لوري د نورستان په مختلفو ولسواليو کې د ځوانانو علمي وړتیا لوړونې په موخه ګڼې سيالۍ ترسره شوي دي.
۱۴۰۳/۳/۳ هـ ل
۲۰۲۴/۵/۲۳ میلادي
