ننګرهار کې د ولايتي ادارو له وياندويانو سره د همږغۍ ناسته وشوه

د ننګرهار ولايت د اطلاعاتو او کلتور رياست د رئيس مولوي ذبيح الله نوراني په مشرۍ د يو شمېر ولايتي ادارو له وياندويانو سره د همږغۍ ناسه وشوه.
د اطلاعاتو او کلتور رئیس مولوي ذبیح الله نوراني د امارتي ادارو د ویاندویانو د فعالیتونو ستاينه وکړه او ویې ویل: دا مهال په هېواد کې اسلامي نظام حاکم او ډاډمن امنیت شته، زموږ دنده ده، چې خپل ولس ته په صداقت او ایماندارۍ سره خدمت وکړو او د مغرضو کړیو او رسنیو د ناسمو تبلیغاتو پر وړاندې مبارزه وکړو.
دغه راز نوموړي زیاته کړه؛ د امیرالمؤمنین حفظه الله د حکم له مخې د حق د لارې مبارزه زموږ ټولو مسؤلیت دی، باید د اسلامي شریعت په چوکاټ کې د هېواد له ملي ګټو سره ژمنتیا وساتو او دا چې افغانستان د ټولو ګډ کور دی، آبادي او بیارغونه يې هم زموږ ټولو ګډ مسؤلیت دی.
د یادونې وړ ده، چې د ناستې په ترڅ کې د بېلابېلو ادارو ویاندویانو هم د  پرمختګونو، رسنيزو فعالیتونو، ستونزو او نظریاتو اړوند خبرې وکړې.

۱۴۴۶/۱۱/۳ ق