محمد طاهر زهير د ملي بيرغ ورځې د نمانځنې په مراسمو کې: ملي بيرغ د افغانستان د خلکو د عزت، وياړ او سرلوړۍ سمبول دى

ehsan
چهارشنبه ۱۳۹۹/۵/۸ - ۹:۰
محمد طاهر زهير د ملي بيرغ ورځې د نمانځنې په مراسمو کې: ملي بيرغ د افغانستان د خلکو د عزت، وياړ او سرلوړۍ سمبول دى


د اطلاعاتو او فرهنګ وزارت سرپرست محمد طاهر زهير نن د ملي بيرغ ورځې د نمانځنې په غونډه کې وويل: ملي بيرغ د افغانستان د خلکو د عزت، وياړ او سرلوړۍ سمبول دى.
په دې غونډه کې چې په ملي موزيم کې جوړه شوه؛ يوشمېر دولتي مقاماتو، شاعرانو، ليکوالو، هنرمندانو او نورو فرهنګيانو ګډون لاره.
د باختر آژانس خبريال د خبر له مخې؛ د غونډې په پيل کې د اطلاعاتو او فرهنګ وزارت سرپرست د هېواد د تاريخ لوړو ژور ته په پام سره، ملي بيرغ د افغانستان د خلکو د عزت، وياړ او سرلوړۍ سمبول وباله او ويې ويل: د زمري٧ مه د ملي بيرغ ورځ نومول شوې ده، هر هېواد خپل ټول عزت، هويت او وياړ په خپل ملي بيرغ کې ويني، موږ هم خپل ملي بيرغ د افغانستان د خلکو د اقتدار، وياړ، عزت او سرلوړۍ سمبول بولو.
د اطلاعاتو او فرهنګ وزارت سرپرست زياته کړه: سره له دې چې موږ کلونه کلونه  په بېوزلۍ، بدبختۍ، جګړو او نا امنيو کې تېر کړي دي، خو دغه بيرغ تل رپاند و او د دغه بيرغ د رپيدو دليل د هغو زرګونو کسانو سرښندنې وې چې خپل ځانونه يې د وطن د ساتنې او د دغه بيرغ د رپولو په خاطر قرباني کړي دي.
د اطلاعاتو او فرهنګ وزارت سرپرست وويل چې وزارت د دغې غونډې په جوړولو سره وغوښتل خپله ونډه او پور د هېوادپالنې په ژوندي ساتلو کې ادا کړي.
هغه په ملي موزيم کې د دغې غونډې جوړېدو ته اشاره وکړه او ويې ويل چې ملي موزيم د آثارو ملي خزانه او د يو هېواد تېر هويت دى، په همدې دليل دغه غونډه په ملي موزيم کې جوړه شوه چې راتلونکى نسل له خپل ملي موزيم او خپلو تاريخي وياړونو سره بلد شي
په دې غونډه کې د اطلاعاتو او فرهنګ وزارت پر خپرونو د څار رييس سيد جعفر راستين، د افغانستان د ملي بيرغ پر تاريخچې خبرې وکړې او په دې برخه کې يې  تصويري معلومات وړاندې کړل.
په غونډه کې شفيع بابرزى، مهري کبيري، قمبرعلي تابش، صفيه صديقي، مرسل حبيب احمدزۍ او محمود جعفر هغه شاعران وو چې د ملي بيرغ او وطندوستۍ په مناسبت يې خپل شعرونه ولوستل.
په همدې ترتيب د اطلاعاتو او فرهنګ وزارت د ملي تياتر او موسيقۍ رياستونو هنرمندانو خپل هنري کارونه او يو شمېر ځوانانو ملي جامې نندارې ته وړاندې کړي.
د دغو پرتمينو مراسمو په پاى کې د اطلاعاتو او فرهنګ وزارت سرپرست او نوماند وزير محمد طاهر زهير او د مراسمو ګډونوالو د هېواد ملي بيرغ د ملي موزيم په انګړکې پورته کړ.
کابل / د زمري
۷ مه / باختر

تازه خبرونه

دوشنبه ۱۳۹۹/۵/۲۰ - ۸:۵۶
Background image

محمد طاهر زهیر: علم ګنج تاریخي بڼ به له بیارغاونې وروسته ترډېره د فرهنګی چارو لپاره وکارول شي

د اطلاعاتو او فرهنګ وزارت سرپرست او نوماند وزیر محمد طاهرزهیر نن د علم ګنج تاریخي بڼ،  چې بیا پر ماشین خانې هم مشهور شو، د لیدو پر مهال وویل چې دا بې ساری تاریخی ځای به له بیارغاونې. . .

پنجشنبه ۱۳۹۹/۵/۱۶ - ۹:۱۷
Background image

محمد طاهر زهير د هېواد د پېژندل شوي فرهنګي او هنري بنسټ په توګه د کابل نندارې د بيارغاونې پر ژر پيل ټینګار وکړ

-
د اطلاعاتو او فرهنګ وزارت سرپرست محمد طاهر زهير نن د ګرځندوى، ملي تياتر، کابل نندارې او موسيقۍ رياستونو د بېلابېلو څانګو د کتنې په وخت کې لارښوونه وکړه چې د هېواد د پېژندل شوي فرهنګي. . .

چهارشنبه ۱۳۹۹/۵/۱۵ - ۱۵:۰
Background image

د اطلاعاتواوفرهنګ وزارت د سيمې په کچه د خان عبدالغفار خان علمي سيمينار جوړوي


د خان عبدالغفارخان د علمي سيمينار د جوړولوغونډه  نن  د اطلاعاتواوفرهنګ وزارت  د سرپرست محمدطاهر زهير په مشرۍ  او د خپرونو د چارو او د مالي ، اداري اوګرځندوى د معينانو او د علومو اکاډمۍ. . .

BACK TO NEWS