محمد طاهر زهير داطلاعاتواوفرهنګ وزارت د خپرونو دبرخې کارونه وڅېړل

داطلاعاتواوفرهنګ وزارت سرپرست محمد طاهر زهير نن ددغه وزارت دخپرونو دبرخې له مسوولينوسره په غونډه کې ددغې برخې کارونه وڅېړل.

په دې غونډه کې په داسې حال کې چې د اطلاعاتواوفرهنګ وزارت دخپرونو دچارو معين عبدالمنان شيواي شرق هم حاضر و ، دباختراژانس رييس نجيب الله شينواري ، ددولتي ورځپانو رييس فريد احمد فرهنګ، د رسنيوپر خپرولو دڅارنې رييس سيد جعفر راستين او د دغه وزارت دخپرونودبرخې يوشمېر مسوولينو په وار سره دخپلو اړوندو برخو دکارونو برياليتوبونو پروګرامونو او ستونزو په باب معلومات ورکړل.

دغو رييسانو دتشکيل، بودجې، او د دفترونو لپاره دمناسب ځاى دنشتوالي او دامکاناتو او وسايلو دکمښت له پلوه دخپلو چارو دلارې پرسر ستونزې داطلاعاتواوفرهنګ وزارت له سرپرست سره شريکې کړې.

دغه راز دوى په دې ترڅ کې چې دولتي رسنيو ته دلوړ رتبه دولتي مسوولينو دملاتړ او جدي پاملرنې غوښتنه وکړه دچارو دښه والي او دموجودو ستونزو دحل کولو په مقصد خپلې طرحې نظريې او پيشنهادونه هم وړاندې کړل
داطلاعاتواوفرهنګ وزارت سرپرست ددغه وزارت دخپرونودبرخې کارونه وستايل او په ټولو هېوادونوکې دولتي رسنى معتبرې رسنى وبللې.

هغه دغه راز دموجودو ستونزو دحل کولو په خاطر دهمکارى ژمنه وکړه.