فیروز کوه موسسه د هنري او فرهنګي بنسټونو په برخه کې خپله همکاري پراخوي

پنجشنبه (۲۳ د شوال المکرم ۱۴۴۵) د اطلاعاتو او فرهنګ وزارت د هنر او فرهنګ معین مولوي عتیق الله عزیزي په افغانستان کې د فیروز کوه موسسې رئیس ښاغلي هري سره په خپل کاري دفتر کې وکتل.

په ياده لیدنه کې د فیروز کوه موسسې رئیس هري د یادې موسسې له لوري په کابل او بامیان ولایت کې د روانو پروژو د فعالیتونو او ستونزو په تړاو معلومات وړاندې کړل او د همکارۍ غوښتنه یې وکړه.

د هنر او فرهنګ معین مولوي عتیق الله عزیزي د فیروز کوه موسسې د فعالیوتونو او پلانونو ارزونې تر څنګ لازمې مشورې ورکړې او زیاته یې کړه، د فیروز کوه موسسه په افغانستان کې تاریخي مثبت شالید لري او د افغانستان د خلکو د فرهنګي ارزښتونو او اړتیاوو په رڼا کې خدمتونه ترسره کوي، اوس د دې وخت دی،چې نوموړی بنسټ نور هم خپل خدمات او پروژې پیاوړي او زیاتې کړي.

 د فیروز کوه موسسې رئيس وویل: دوي به په روان کال کې ګڼې هنري او فرهنګي هڅې پیل کړي او د اطلاعاتو او فرهنګ وزارت په همغږۍ به د برنامو او پلانونو  په غښتلتیا او تجهیز کې لازمې همکارۍ وکړي.

۲۰۲۴/۵/۲ ميلادي 
۱۴۰۳/۲/۱۳ ھ ش