فارياب کې له محلي رسنيو څخه څارنه ترسره شو
شنبه ( ۲۹ ذوالحجه ۱۴۴۵ ) د فاریاب ولایت د اطلاعاتو او کلتور رئيس مولوي شمس الدین محمدي د اطلاعاتو د آمر او د باختر آژانس اطلاعاتي مدير په ملتيا يسرا او ممتاز راډیوګانو څخه لیدنه او څارنه وکړه.
د اطلاعاتو او کلتور رئيس مولوي شمس الدین محمدي د رسنیو له کارکوونکو سره د لیدنې پر مهال وویل: سیمه ئیزې رسنۍ د ملي یووالي په رامنځته کولو او د ښوونې او روزنې په پیاوړتیا کې مهم رول لوبوي، له څارنې څخه مو موخه د رسنيو د وضعيت څېړل او د ستونزو اورېدل دي.
ښاغلي محمدي د راډيو ګانو د امکاناتو او سټوډيوګانو د ليدنې پر مهال د راډيويي خپرونو د کيفيت د ښه کولو لپاره د پرمختللو وسايلو اهميت هم په بیان کړ.
نوموړي د کره او پر وخت معلوماتو لپاره د سیمه ئیزو رسنیو د هڅو او فعاليت ستاینه وکړه او د ستونزو د حل په موخه يې ډاډ ورکړ.
۱۴۰۳/۴/۱۷ ھ ش
۲۰۲۴/۷/۷ ميلادي
