فارياب کې د سيرت النبي ﷺ د سيالۍ پايلې اعلان شوې
چهارشنبه (۲۲ د شوال المکرم ۱۴۴۵) د فارياب ولايت د اطلاعاتو او فرهنګ رياست دوه ورځې وړاندې د ۲۵۰ تنو څخه د سيرت النبي ﷺ ازموينه اخستل شوې وه، چې نن يې د يو لړ مراسمو په ترڅ کې پايلې اعلان کړې.
د فارياب د اطلاعاتو او فرهنګ رئيس مولوي شمس الدين محمدي وويل: د يادې سيالۍ څخه موخه د رسول الله ﷺ د سيرت سره د ځوانانو بلدتيا وه، د ځوانانو چارو آمريت هڅه کوي تر څو د ځوانانو د علمي ظرفيت لوړونې لپاره ګټور علمي پروګرامونه ترسره کړي.
په دې مراسمو کې د ولايت مقام، پوهنې او امرباالمعروف او نهی عن المنکر رياستونو استازو په خپل نوبت سره خبرې وکړې او ځوانان يې د تعليم، کسب او د رسول الله ﷺ سيرت مبارک زده کولو ته تشويق کړل.
د سيرت النبي ﷺ سيالۍ کې عبدالمبین د احمد فريد زوی د ۱۰۰ نمرو په ګټلو سره لومړی مقام، نصرت الله د محمد عیسی زوی د ۹۹ نمرو په ګټلو سره دوهم مقام او محمد رحماني د محمد اسحاق زوی د ۹۸ نمرو په ګټلو سره دريم مقام خپل کړ، چې د اطلاعاتو او فرهنګ رياست له لوري تر اولسم مقام پورې نقدي او معنوي ډالۍ وويشل شوې.
۲۰۲۴/۵/۱ میلادي
۱۴۰۳/۲/۱۲ هـ ل
