فارياب کې د اکټېډ موسسې له ښوونيز مرکز څخه څارنه وشوه
تېره ورځ د فارياب ولايت د اطلاعاتو او کلتور رئيس مولوي شمس الدين محمدي او د ځوانانو چارو آمر مولوي عبدالمبين فصيح د ياد رياست په مربوطاتو کې د اکټېډ موسسې له ښوونيز مرکز څخه څارنه وکړه.
د اطلاعاتو او کلتور رئيس مولوي شمس الدين محمدي وويل: یاد ښوونيز مرکز د اکټېډ موسسې په مالي ملاتړ او د ځوانانو چارو آمريت په همغږۍ د ياد ولايت د ځوانانو د ظرفيت لوړونې په موخه جوړ شوی، چې پکې ۳۵۰ تنه ځوانان د انګليسي ژبې، کمپيوټر پروګرامینګ او اکاونټينګ برخو کې په زده کړو ترلاسه کولو بوخت دي.
د نوموړي په وينا؛ هغه شمېر ځوانان چې په خصوصي کورسونو کې د فيس د ورکړې توان نلري، ياد مرکز يې د ۹ مياشتنیو زده کړو په موخه جذبوي.
۱۴۴۵/۶/۲۶ هـ ق
۱۴۰۲/۱۰/۱۸ هـ ش
