غور کې له یو شمېر تاریخي سیمو لیدنه وشوه
د غور ولایت د اطلاعاتو او کلتور رئیس مولوي عبدالحی زعیم د دې ولایت یارالله ولسوالۍ ته د سفر په ترڅ کې له یو شمېر تاریخي سیمو څخه لیدنه وکړه او د یادو سیمو په ساتنې یې ټینګار وکړ.
ښاغلي زعیم د رحیم کلا، نوآباد، دره آسیاب او یو شمېر نورو تاریخي سیمو څخه لیدنه وکړه او ځايي خلکو ته یې د تاریخي میراثونو د ګټو په اړه معلومات ورکړل.
نوموړي وویل: د اطلاعاتو او کلتور وزارت مسؤلين د هېواد له ټولو تاریخي سیمو څخه په پوره جدیت ساتنه کوي او له خلکو څخه هم په دې برخه کې د همکارۍ غوښتونکي دي.
د یادونې وړ ده، چې غور ولایت یو له هغه تاریخي ولایتونو څخه دی، چې د بېلابېلو تاريخي دورو ارزښتمنو تاریخي سیمو او آثارو ته یې په خپله غېږ کې ځای ورکړی دی.
۱۴۴۶/۱۱/۱۹ هـ ق
