سمنګانو کې د رسنيو له مسؤلينو او خبريالانو سره ناسته وشوه
شنبه (۲۹ د ذوالحجې ۱۴۴۵) د سمنګان ولايت د اطلاعاتو او کلتور رياست په همغږۍ د ياد ولايت والي ملا محمد شعيب رسالت د چاپي، غږيزو او تصويري رسنيو له مسؤلينو او خبريالانو سره ناسته وکړه.
د سمنګان والي ملا محمد شعيب رسالت وویل: خبریالان باید د اطلاع رسونې او عامه پوهاوي په برخه کې داسې څه نشر کړي، چې د حکومت او خلکو ترمنځ د يو بل منلو او يووالي روحيه پياوړې کړي، ځکه خبریالان او رسنۍ د ټولنې د سترګو، غوږونو او ارتباطي پل حیثیت لري، د رسنيو ټول کارکوونکي باید د راپورونو په برابرولو کې اخلاقي اصول مراعت کړي او د ټولنې واقعيتونه منعکس کړي.
د اطلاعاتو او کلتور رئيس مولوي فیروزالدين منيب او د اطلاعاتو آمر اسدالله عطايي په خپلو خبرو کې د خبريالانو او رسنيو ستونزې بيان کړې او ويې ويل: د رسنيو او حکومت ترمنځ همکاري او همغږي د ستونزو د له منځه وړلو باعث کيږي.
۱۴۰۳/۴/۱۷ هـ ل
۲۰۲۴/۷/۷ میلادي
