روزګان کې یو شمېر تاریخي اثار موندل شوي دي

سه شنبه ( ۲ د رمضان المبارک ۱۴۴۵) د روزګان ولایت د اطلاعاتو او کلتور ریاست له لوري د دغه ولایت په چهار چینو ولسوالۍ کي یو شمېر تاریخي اثار موندل شوي دي.

د اطلاعاتو او کلتور ریاست د کلتور او ګرځندوی آمر ملا محمد افضل سید وویل: د زیاتو هڅو وروسته مو یو شمېر تاریخي اثار موندلي، چي تر څيړنو وروسته به یې تاریخي مخینه معلومه شي، یاد اثار چي ۷۶ رقمه مرۍ او کوریان، ۳ غټ کټوریان، ۵ کوچني کټوریان، ۱ قاب، ۲ کوچني سرپوښونه، ۱ تبر زین او ځیني نورې کړۍ او ځینځیرونه شامل و، د دغه ولایت د چهارچینو ولسوالۍ اړوند د مغز اباد سیمي د یو اوسیدونکي سره وه چې د اطلاعاتو او کلتور رياست ورڅخه ترلاسه کړل.

 د اطلاعاتو او کلتور رئیس قاري اغاولي قریشي پر ولسونو غږ وکړ، چې هڅه وکړي د خپلو تاریخي ابداتو ساتنه وکړي او د داسي تاریخي منقول او غیر منقول اثارو په موندلو کي زموږ سره همکاري وکړي.

ښاغلي قریشي زياته کړه؛ د هیواد ارزښت او تاریخ ساتل د ټولو مسولیت دی موږ به د ټولو هیوادوالو په هڅه د هیواد ارزښتونه او تاریخي اثار خوندي ساتو.