رسنۍ دې رسنيز رسالت ته په کتو ولس ته خدمات وړاندې کړي
د نیمروز ولایت د اطلاعاتو او کلتور رئیس مفتي حبیبالله الهام د حکومت او رسنیو د همغږۍ په غونډه کې وویل: رسنۍ باید خپل رسالت وپېژني او د هغه په رڼا کې دې د ولس خدمت وکړي.
ښاغلي الهام زیاته کړه؛ د نیمروز محلي ادارې د معلوماتو د لاسرسي لپاره تل هڅه کړې ده او د اطلاعاتو او کلتور ریاست د ښو اړیکو رامنځته کولو لپاره هیڅ ډول هڅې نه دي سپمولي.
هغه په خپلو خبرو کې د انساني قاچاق د مخنیوي په اړه د رسنیو رول ته هم اشاره وکړه او ويې ویل: رسنۍ باید د اسلامي شریعت او ملي ارزښتونو په رڼا کې د خپل کار ترسره کولو ته ادامه ورکړي.
د افغان خبريالانو د خونديتوب کمیټې ولايتي مسئول عبدالغفار عزيزي هم د اطلاعاتو او کلتور ریاست له همکارۍ څخه مننه وکړه او د رسنیو د ملاتړ په اړه یې د ټولو ادارو هڅې وستایلې.
۱۴۴۶/۶/۲۸ هـ ق
۱۴۰۳/۱۰/۱۰ هـ ل
