د ګرځندوی، مالي او اداري چارو معين له ملي ارشیف او ترنم او ترانو رياستونو څخه لیدنه وکړه
د اطلاعاتو او کلتور وزارت د ګرځندوی، مالي او اداري چارو معين مولوي قدرت الله جمال او د بشري سرچينو رئيس مولوي نقیب الله نعمان او د وزارت مقام وياند قاري خبیب غفران د ملي ارشيف او ترنم او ترانو رياستونو له چارو څخه ليدنه وکړه.
د ګرځندوی، مالي او اداري چارو معين ښاغلي مولوي جمال له ملي ارشيف څخه د ليدنې په ترڅ کې د ارشيف کارکوونکو ته د آثارو د ښې ساتنې په موخه سپارښتنې وکړې، د ليدنې پر مهال د ملي ارشیف رئيس قاري عبیدالله حنیف او د ترنم او ترانو رئيس مولوي امان الله مستغفر د يادو رياستونو د فعاليتونو او لاسته راوړنو په اړه ښاغلي معين صیب ته معلومات ورکړل.
د يادونې وړ ده، چې د اطلاعاتو او کلتور وزارت د ګرځندوی، مالي او اداري چارو معين مولوي قدرت الله جمال په نوبتي ډول د اطلاعاتو او کلتور وزارت اړوندو ادارو څخه د کارونو د بهتروالي، همغږۍ او همکارۍ رامنځته کولو په موخه ليدنې ترسره کوي.
۱۴۴۶/۴/۲۵ هـ ق
۱۴۰۳/۸/۷ هـ ل
