د ګرځندوی، مالي او اداري چارو معين لغمان ته د خپل سفر پر مهال د اطلاعاتو او فرهنګ رياست له کارکوونکو سره وليدل

د اطلاعاتو او کلتور وزارت د ګرځندوی، مالي او اداري چارو معين مولوي قدرت الله جمال د ځوانانو چارو د سرپرست معين مولوي سيد محمد سعيد په ملتيا د لغمان ولايت د اطلاعاتو او فرهنګ رياست له کارکوونکو سره وليدل او د دوی ستونزې، غوښتنې او وړانديزونه يې واوريدل.
نوموړي په دغه ليدنه کې کارکوونکو ته ډاډ ورکړ او وې ويل: چې لوموړيتوبونو ته په کتو به ټولو غوښتنو ته رسېدنه  وشي.
ښاغلي جمال همداراز د اطلاعاتو او کلتور رياست په اهميت او ارزښت خبرې وکړې او وې ويل: د اطلاعاتو او کلتور داسې اداره ده، چې ټولو ولایتي ادارو سره سر و کار لري، د اطلاعاتو، اړیکو، تبلیغاتي، نشراتي او نورو برخو کې باید هرې ادارې سره ښه همغږي او همکاري ولري.
نوموړي د خپلو خبرو پر دوام کارکوونکو ته پر دنده پابندي، ولس ته غوره نشراتي او هر اړخيز خدماتو په وړاندې کولو او له خلکو سره د ښه چلند په اړه لارښوونې او سپارښتنې وکړې.

۱۴۴۷/۸/۲۴ هـ ق