د ګرشک وړیا ښوونیز مرکز کې لسګونه تنو ځوانانو ته د زده کړې زمینه برابره شوه
د هلمند ولايت د اطلاعاتو او کلتور رياست د ځوانانو چارو امریت مسؤلين وايي: د اطلاعاتو او کلتور ریاست له لوري ګرشک ولسوالۍ کې ۶۰ تنو بېوزلو زده کوونکو ته د کمپیوټر پرګرامونو د زده کړې زمینه برابره شوې ده.
د دوی په وينا؛ دغه ښوونیز مرکز کې یې زده کوونکو ته د نظري زده کړو ترڅنګ مجهز کمپیوټر لیب کې د عملي زده کړو زمینه هم برابره کړې ده او له ټولو زده کوونکو څخه يې وغوښتل، چې خپلو درسونو ته پر وخت حاضر شي.
د یاد وړیا ښوونیز مرکز زده کوونکو له اطلاعاتو او کلتور ریاست څخه د مننې ترڅنګ د دا ډول نورو ښوونيزو پروګرامونو د جوړولو غوښتنه هم وکړه.
۱۴۴۶/۱۱/۱۲ هـ ق
