د کندهار په اطلاعاتو او کلتور رياست کې د دولتي ادارو د وياندويانو سره د همږغۍ ناسته ترسره شوه
نن چهارشنبې (۱۴۴۴/۱۰/۲۷ هـ ق) د کندهار ولایت په اطلاعاتو او کلتور رياست کې د دغه ریاست رئيس مولوي انعام الله سمنګاني په مشرۍ د دولتي ادارو د وياندويانو سره د همږغۍ ګډه ناسته تر سره شوه، چې پکې د اطلاعاتو او کلتور ریاست مخکني رئيس مولوي نور احمد سعيد، د اطلاعاتو آمر ملا شمس الله صميم او د نورو دولتي ادارو وياندويانو ګډون کړی و.
د اطلاعاتو او کلتور رئيس مولوي انعام الله سمنګاني د دولتي ادارو د وياندويانو فعاليتونه او کارونه وستايل او د چارو د لا ښه پر مختګ او پر وخت تر سره کېدو له پاره یې لازمې لارښوونې ورته وکړې.
ورپسې د دولتي ادارو وياندويانو هم خپلې ويناوې وکړې، او ډاډ یې ورکړ، چې د رسنيزو فعاليتونو په برخه کې به خپل مسئوليت په ښه ډول ادا کوي.
