د کتاب ارزونې کمېسيون نوبتي غونډه ترسره شوه
دوشنبه (۱۴۴۸ د محرم الحرام ۲۷) د اطلاعاتو او فرهنګ وزارت د خپرونو چارو معینیت اړوند د کتاب ارزونې کمېسیون نوبتي غونډه د خپرونو چارو معین ښاغلي مهاجر فراهي په مشرۍ ترسره شوه.
په دې غونډه کې د یو شمېر کتابونو په اړه پرېکړې وشوې او هغه کتابونه چې د اسلامي او افغاني ارزښتونو سره سم لیکل شوي وو، د چاپ اجازه یې ترلاسه کړه، همدارنګه د ۴۹ بېلابېلو عنوانونو درلودونکي ۵۲۷ ټوکه صادر او وارد شوي کتابونه وارزول شول او ۱۰ ټوکه راجع شوي کتابونه د کمېسیون غړو ته وسپارل شول، ترڅو، په راتلونکې ناسته کې یې راپور وړاندې کړي.
د یادونې وړ ده، د ناستې په پای کې د سعادت خپرندویې اړوند د وارد شویو قرآنکریمونو په اړه هم پریکړه وشوه
