د کتابونو ارزونې کمېسیون نوبتي غونډه ترسره شوه
نن دوشنبه ۱۴۴۴/۷/۲۲ هـ ق د اطلاعاتو او فرهنګ وزارت کې د کتابونو د ارزونې کمېسیون غونډه ترسره شوه، چې پکې د اطلاعاتو او فرهنګ وزارت د دفتر رئیس ښاغلي شفیق احمدزی، د بیهقي ریاست رئيس ځانواک مفتي زاده، د نشراتي معینیت استازي، معارف وزارت استازي، د علومو اکاډمۍ استازي، د لوړو زده کړو وزارت د بهرنيو هيوادونو د تحصيلي اسنادو ارزونې او معادلت رياست رئیس مولوي احمد تقي او د کمېسيون نورو غړو ګډون کړی ؤ.
غونډه د قرآن کريم په مبارکو آياتونو پیل شوه، ورپسې د یاد کمېسيون کارونه مثبت ارزیابي شول، فعاليتونه يې وستايل او د لا ښه فعالیت سبارښتنې وشوې.
همدا راز په یاده غونډه کې د څو ټوکو بېلابېلو کتابونو ارزونه ترسره شوه.
غونډه په دعا پای ته ورسېده
